Donostiako Orfeoiak Santanderreko jaialdiari amaiera emateko ohorea izango du. Emanaldi oso berezi batekin egingo du, Leipzigeko Gewandhausorchesterrekin batera, munduko orkestrarik ospetsu eta zaharrenetakoa, eta Alemaniako zaharrena, 1781ean sortua.
Kontzertua abuztuaren 31n eskainiko da, igandea, Santanderreko Palacio de Festivales jauregian, Argenta Aretoan, 20:00etan. Orfeoiak 47 aldiz parte hartu du jaialdian. 1990era arte Plaza Porticadan eta gaur egungo eszenatokian 1991tik, urte horretan inauguratu baitzen Palacio de Festivales jauregia.
Andris Nelsons maisuak emanaldia zuzenduko du eta Julia Kleiter (sopranoa) eta Christian Gerhaher (baritonoa) bakarlariek abesbatzarekin batera abestuko dute. Gewandhausorchesterrek bakarka interpretatuko du ‘Sinfonía nº5 La Reforma’ (Felix Mendelssohn) lana eta, ondoren, Orfeoiarekin batera ‘Un réquiem alemán (Johannes Brahms) abestuko du.
Hain zuzen ere, Mendelssohn, ‘Sinfonia nº5’ obraren egilea, Leipzigeko Gewandhausorchesterren zuzendaria izan zen hamabi urtez, 1835 eta 1847 bitartean. Orkestrak 175 musikari profesional baino gehiago ditu gaur egun.
