Ostegun honetan, ‘Todo por delante’ Gala egingo da Kursaal jauregian, Radio San Sebastian irratiaren Mendeurrena ospatzeko, eta Donostiako Orfeoiaren emanaldiarekin hasiko da gau-ekitaldia; Agur Jaunak tradizionala eta 1940ko hamarraldiaz geroztik Cadena SER katearen sintonia ofiziala den Federico Mompouren “Sintonía Azul” interpretatuko ditu.

Urrian, Radio San Sebastian irratiaren Mendeurreneko Galan ere parte hartuko du Orfeoiak, eta Santikutz Abesbatzarekin batera kontzertua eskainiko du, Legazpiko Jasokundeko Andre Mariaren Parrokian.

Larunbatean ospatu zen Donostian 2025eko Aspace Eguna, “Mugarik gabeko inklusioa” leloarekin. Ekitaldi horren helburua da garun-paralisia duten pertsonei eta haien familiei ikusgarritasuna ematea, eta gizarteak inklusioarekin duen konpromisoa, aukera-berdintasuna eta aniztasunarekiko errespetua indartzea. 

Donostiako Orfeoiak lehendabiziko aldiz parte hartuko du Gipuzkoako Foru Aldundiak antolatutako “Ondarea eraikitzen. Construyendo cultura” Ondarearen Europako X. Jardunaldietan. Horrela, bere egoitza irekiko die herritarrei, bere historia, orainaldi artistikoa eta koru-ondarearen balioa hurbiletik partekatzeko. Gure inguruneko musika-erakunde maitatu eta ezagunenetako bat barrutik ezagutzeko aukera paregabea.

Donostiako Orfeoiak kontzertu bat eskainiko du bihar, irailak 20, 19:00etan, Huescako Secastilla herrian dagoen Torreciudad Santutegia gurtzarako ireki zela 50 urte bete direla ospatzeko. Bigarren aldia izango da taldeak espazio honetan kontzertu bat eskaintzen duena, izan ere, 2000ko uztailaren 8an, tenpluaren 25. urteurrenaren ospakizunean ere parte hartu zuen.