Donostiako Orfeoiak kontzertua eskainiko du larunbatean, urriak 25, 20:30ean, Legazpiko Andre Mariaren Zeruratzea elizan. Errezitaldia ‘Azaroan Musika’ zikloaren barruan kokatzen da eta Santikutz Abesbatza zuzentzen hogeita hamar urte daramatzan Marian Lasaren omenez egingo da.
Orfeoia Jose Antonio Sainz Alfarok zuzenduko du, Gerardo Rifon organoarekin batera. Errepertorioan, abesbatzen obren aukeraketa zaindua dago, barrokotik erromantizismora eta euskal musikara, besteak beste, Johann Sebastian Bach (Cantata 147), Pau Casals (Nigra Sum), Felix Mendelssohn (Elias, Salmo 43), Franz Schubert (Mille cherubini in coro), Sergei Rachmaninov (Vísperas), Johannes Brahms (Ein deutsches Requiem), Gabriel Fauré (Cantique de Jean Racine), Giuseppe Verdi (‘Va pensiero’ de Nabucco) eta Richard Wagner (Tannhäuser. ‘Hei! Der Gnade Wunder Heil!’).
Euskal musikagileen lanak ere izango dira programan: Aita Madina (Aita Gurea), Jose Maria Usandizaga (Ave Maria), Jose Juan Santesteban (Goizeko izarra) eta Pablo Sorozabal (Maite).
Aipagarria da, gainera, kontzertuan bakarlari gisa arituko direla Mariana Ponochevna sopranoa Aita Gurean eta Irene del Molino Schuberten obran.
Sarrera doakoa eta librea izango da aretoa bete arte.
