Andante aldizkariaren azkeneko aleak Xabier Anduaga tenore donostiarrari egindako elkarrizketa ekarri du azalera; Anduagak 2026ko Urrezko Danborra jaso du, eta sari horrek duen esanahiari, hiriarekin duen loturari eta Donostiako Orfeoiak bere trebakuntza artistikoan eta pertsonalean bete duen eginkizunari buruz hitz egin du elkarrizketan.
Elkarrizketak ale osoaren ardatz den ideia bat azaleratzen du: musika, diziplinan, entzutean eta erantzukizun kolektiboan oinarritutako baterako lan baten emaitza gisa. Begirada horretatik abiatuta, Andante aldizkariak hainbat atal ditu, Orfeoiaren barruko bizitza, Orfeoiko kideei egiten zaien aitortza eta zenbait testigantza jasotzen dituztenak –hala nola Sara Azurza, Berta Arrillaga, Juan Achúcarro eta Urko Arriandiagarenak—; testigantza horiek esperientzia koralari eta haren balioari buruzko askotariko ikuspegiak ematen dituzte.
Aldizkariaren azkeneko alea osatzeko, Donostiako Orfeoiaren azkenaldiko jardueren errepasoa egiten da, presentzia handia izan baitu Estatuko zein nazioarteko agertokietan, eta ekitaldi kultural nagusienetako batzuetan parte hartu baitu. Hala nola Urte Berriko kontzertuetan aritu da, Auditorio Nazionalean; emanaldiak egin ditu Tolosan (Frantzia), Perpinyan eta Pariseko Philharmonie aretoan, eta San Sebastian egunean ere hartu zuen parte.
