Abesbatzak bi kontzertu solidario eskainiko ditu: maiatzaren 30ean Oviedoko Katedralean eta ekainaren 13an Arantzazuko Santutegian, CTNNB1 sindromearen ikerketa babesteko.
Orfeoi Donostiarrak parte hartuko du RenHacer Jaialdiaren bosgarren edizioan. Columbus Fundazioak sustatutako ekimen solidario honek musika erabiltzen du ikerketa medikoa eta gaixotasun ultra-arraroetarako terapia aurreratuen garapena laguntzeko bide gisa.
Oviedon, kontzertu honek gainera Orfeoi Donostiarraren itzulera ekarriko du hirira, 17 urteren ondoren. Katedralean emanaldia hasi aurretik, 19:15etan, Orfeoiak publikoari irekitako ekitaldi batean parte hartuko du Katedraleko plazan, Oviedoko Real Banda de Gaitas taldearekin batera.
Orfeoi Donostiarra Ignacio Arakistain organistarekin arituko da, Sainz Alfaroren zuzendaritzapean. Egitarauan honako obra hauek izango dira: Gabriel Fauréren Requiem, John Newtonen Amazing Grace, Karl Jenkinsen Ave Verum, Pau Casalsen Nigra Sum, Aita Madinaren Aita Gurea, Andrew Lloyd Webberen Pie Jesu, Arrigo Boitoren Mefistofele obrako “Ave Signor” eta Felix Mendelssohnen 43. Salmoa.
