Datorren abenduaren 30ean, asteartea, 19:30ean, Donostiako Orfeoiak berriro hartuko du parte Espainiako hitzordu liriko garrantzitsuenetako batean: Urte Berriko XXV. Zarzuela Gala Solidarioan. Ekitaldi hori Madrilgo Musika Auditorio Nazionalean izango da. Aurtengo edizioan, artista zerrenda bikaina elkartuko da, eta generoaren orrialderik enblematikoenetako batzuk jasoko ditu, hainbat obratakoak, hala nola Maitetxu Mía, La Bruja, Marina, El huésped del Sevillano, El último romántico, La Dolores, La alegría de la huerta, La rosa del azafrán, La gran vía eta La parranda, beste askoren artean.
Borja Quintas eta José Antonio Sainz Alfaro zuzendarien esanetara, hainbat bakarlarik parte hartuko du galan —besteak beste, Carmen Solis, Graciela Moncloa, Cristina Faus, Javier Camarena, Celso Albelo, Moisés Marín, Antonio Vázquez, Juan Jesús Rodríguez eta Rubén Amorettik— UCAM unibertsitateko Orkestra Sinfonikoarekin, Estampas de Zarzuela balletarekin, Madrilgo Rondalla Lírica elkartearekin eta ¡Chotis siempre Madrid! kultura-elkartearekin batera.
