Donostiako Orfeoiak bi kontzertu eskainiko ditu, 2026ko urtarrilaren 14an eta 15ean, 19:30ean, Musika Auditorio Nazionalean, Mutua Madrileñaren Urte Berriko Kontzertuen barruan. Emanaldi horiek Estatuko agertoki musikal nagusienetako batean kokatzen dute berriro Orfeoia, Estatu mailako musika-zirkuituan bere presentzia eta proiekzioa indartuz.
Hitzordu bikoitz horretan, Andrés Segovia Ganbera Orkestrarekin batera jardungo du Donostiako Orfeoiak, Sainz Alfaroren zuzendaritzapean, urte hasierako musika-ospakizun gisa sortutako programa batean. Egitarauak errepertorio koralaren, sinfoniko-koralaren eta opera-errepertorioaren orri enblematikoenetako batzuk batzen ditu, Carl Orff, Giuseppe Verdi, Richard Wagner, Giacomo Puccini, Alexander Borodin eta Piotr Ilich Chaikovski konpositoreen obrekin.
