Donostiako Orfeoiak lehendabiziko aldiz parte hartuko du Gipuzkoako Foru Aldundiak antolatutako “Ondarea eraikitzen. Construyendo cultura” Ondarearen Europako X. Jardunaldietan. Horrela, bere egoitza irekiko die herritarrei, bere historia, orainaldi artistikoa eta koru-ondarearen balioa hurbiletik partekatzeko. Gure inguruneko musika-erakunde maitatu eta ezagunenetako bat barrutik ezagutzeko aukera paregabea.
Bisita gidatuan parte hartzen dutenek egoitzako espazio garrantzitsuak ikusiko dituzte, eta Orfeoiaren soinua nola eraikitzen den deskubrituko dute: entsegu-aretoa, antzokia, partituren artxibategia... Orfeoiaren musika-ondare biziaz gozatzeko eta erakunde horrek hiriaren kultura-bizitzari egiten dion ekarpena hobeto ulertzeko pentsatutako esperientzia.
Edukiera mugatua da, eta beharrezkoa da gutxieneko talde bat osatzea; hala izan ezean, hurrengo datara arte atzeratuko da. Bisitak urriaren 3an eta 24an espainieraz eta urriaren 17an eta 31n euskaraz egingo dira, 18:30ean; beharrezkoa da aldez aurretik izena ematea, ondorengo helbide elektronikora idatzita: info@orfeondonostiarra.org Informazio gehiagorako: 943 42 22 39.
