Azken zortzi hilabeteetan berriztatze lanak egin ondoren, Gijóngo Jovellanos antzokiak berriro ere bere ateak irekiko ditu datorren ostiralean, hilak 29. Ekitaldirako Verdiren Requiem aukeratu da eta Donostiako Orfeoiak eta Gijóngo Orkestra Sinfonikoak interpretatuko dute. Kontzertua Oliver Díazek zuzenduko du, orkestrako titularrak, eta joan den ostiralean Donostian izan genuen, abesbatzarekin entseatzeko.

Bakarlari hauek osatuko dute zati korala: Svetla Krasteva (sopranoa), Lola Casariego (mezzosopranoa), Mario Malagnini (tenorea) eta Martin Tzonev (baxua).

Jovellanos antzokiak 1.198 lagunentzako tokia du eta abonuekin eta leihatilan eta internet bidez saldutakoekin, ia ez da kontzertu hau bertatik bertara entzuteko aukerarik, interes handia sortu baitu Asturiasko hiri horretan.