Asteazkena, Maiatza 6, 2015

Maiatzean, Orfeoiak hiru kontzertu emango ditu Sainz Alfaroren zuzendaritzapean. Lehena Entzunareto Nazionalean izango da; bigarrena, Guadalajarako Santa Maria konkatedralean eta hirugarrena, Pasai Donibaneko elizan.

- Datorren larunbatean, Orfeoia A+Música zikloan arituko da, Entzunareto Nazionalean. Andrés Segovia ganberako orkestrarekin Brahms-en Requiem alemaniar bat interpretatuko du. Lanaren bertsio osoa 1869an estreinatu zuten Leipzig-en, eta kantataren eta oratorioaren hibridotzat jotzen da.

Solista gisa Paloma Friedhoff Bello soprano madrildar-belgikarra eta Pablo García Ruizbaritono andaluziarra arituko dira. Kontzertua hasteko, orkestrak konpositore beraren Obertura akademikoa joko du.

A+música.com irabazi asmorik gabeko elkartea da, eta gazte solisten partaidetza bultzatzea du helburu. Orfeoiak bigarren urtez jarraian hartu du parte erakunde horrek antolatutako musika-zikloan.

- On Kixote Mantxakoa lanaren bigarren zatiaren IV. mendeurrena ospatzeko Gaztela-Mantxako hainbat katedraletan egin duten «Qvixote 2015» kontzertu-zikloa itxiko du Orfeoiak maiatzaren 23an. Klausurako kontzertua Guadalajarako konkatedralean egingo dute. Gerardo Rifán organo-jotzailearen laguntzaz, Madina, Rossini, Mozart, Brahms, Casals, Andel eta Berlioz konposatzaileen bederatzi obra interpretatuko ditu.

- Maiatzeko hirugarren kontzertua Pasai Donibaneko musika jardunaldien XXV. urteurrenean emango dute. Orfeoiak irabazi asmorik gabe hartuko du parte, hilaren 30ean, Pasai Donibaneko San Joan Batailatzailearen parrokian. Gerardo Rifán organo-jotzailearen laguntzaz, Madina, Bach, Mozart, Rossinim Brahms, Busto, Casals, Lloyd Weber, Fauré eta Mendelssohn konposatzaileen hamabi obra interpretatuko ditu.

x

Gure Cookie-ak eta bitartekoenak erabiltzen ditugu nabigazio zerbitzua hobetu eta erabiltzailearen nabigazio lehentasunen arabera publizitatea erakusteko. Nabigatzen jarraitzen baduzu, hauen erabilera onartzen duzula ulertuko dugu.
Zure baimena atzera bota edo informazio gehiago nahi baduzu, kontsultatu gure Cookie Politika.