Prentsa
oharrak

Jagoba Astiazaranek eta Tolosako CIT-ek irabazi dute aurtengo Donostiako Orfeoia-UPV/EHU saria. Hamaikagarren edizioa duen saria bi helbururekin sortu zen: musika-sortzaileen ibilbide profesionala aitortzea eta musika arloko ikerkuntza bultzatzea.

Epaimahaiak, bi erakundeek -Donostiako Orfeoia eta UPV/EHU- izenpetutako hitzarmenaren Jarraipen Batzordeak eratua, honakoak saritu ditu aurten: Tolosako CIT-a, Abesbatza lehiaketa bultzatzeagatik eta kultur munduan egiten ari duen lanagatik , eta Jagoba Astiazaran, "Vaticano II. Kontzilioa eta euskal musika eta instrumentu tradizionalak" izeneko azterlanagatik.

Sariak otsailaren 3n (ostirala) banatuko dira, arratsaldeko 19:00etan, UPV/EHUko Gipuzkoako Campuseko Ignacio Mª Barriola Erakinaren Auditorioan (Elhuyar plaza, 1, Donostia). Ekitaldian hizlari izango dira José María Echarri, Donostiako Orfeoiko lehendakaria, eta Cristina Uriarte, UPV/EHUko Gipuzkoako Campuseko errektoreordea. Ekitaldiaren amaieran Donostiako Orfeoiak bere errepertorio tradizionaleko konposizio batzuk eskainiko ditu.