Wednesday, February 22, 2017

Datorren ostiralean, Gazteen Kontzertu Solidarioan kantatuko du Orfeoiak Santa Maria basilikan, Aiete ikastetxe nagusiko ikasleek antolatuta. Funtsak Cáritas Gipuzkoarentzako izango dira, bai eta errefuxiatuekin lan egiten duen Proactiva Open Arms gobernuz kanpoko erakundearentzako ere. Abesbatzarekin batera, Gerardo Rifón organista arituko da; denak ere Sainz Alfaroren zuzendaritzapean.

Emanaldia 20:00etan hasiko da. Lehen zatian, Haendel, Mendelsson, Casals, Jenkins, Webber eta A. Boito konpositoreen lan erlijiosoak interpretatuko ditu Orfeoiak. Irene del Molino (sopranoa), Ane Urrutikoetxea (sopranoa), Irati Fernández (sopranoa), Leire Sarasola (sopranoa) eta Nora Goyalde (altoa) orfeoilariak izango dira bakarlariak. Bigarren zatian Vertiren Lau pieza erlijiosoak lana interpretatuko du abesbatzak.

Orain dela bederatzi urte sortu zen ekimen hau, eta Orfeoiak parte hartzen duen laugarren urtea da aurtengoa.

Sarrerak Aiete ikastetxe nagusian edo Internet bidez eskura daitezke: www.conciertosolidario.org. Gainera, kontzertura joan ezin duten baina lagundu nahi dutenentzako, zero ilara antolatu da, ES6300750019110600284814 kontu korrontearen bidez. Kontzeptua: kontzertu solidarioa.

x

We use own and third party cookies to improve our services and show related advertising to your preferences by analyzing your browsing habits. If you continue browsing, we consider that you accept the use.
You can change the settings or get more information here.